مصر #سوهاج مداهمة منزل الإعلامية أسماء جمال بنت الدكتور جمال حامد أستاذ بكلية التربية بجامعة سوهاج ، والقبض على الدكتور جمال حامد وتهديد الإعلامية أسماء بحسبها ، وعند سؤالها عما حدث معها قالت كالتالي :
الساعه 2 ونص سمعنا تخبيط جامد عالباب وفتحنا لقينا حوالى 10 افراد دخلو منهم واحد جسمه ضخم جدا وواحد ملثم ومسلحين
و6 برا باب الشقه وحوالى 8 عربيات شرطة وعربية بيجو
دخلو فتشو البيت وواحد اخد صور مرسى اللى عندى قولتله هيا دى فيها حاجة ولا ايه ,, راح رماهالى فوق التلاجه وقالى خليها تنفعك
وطلع بعدها ظابط من تحت سأل عنى وسأل عن اوضتى
وقعد يفتش وقالى فين الصور اللى بتنزليها عالنت , قولتله مسحتها
وفتح شنطتى واخد منها الكاميرا بتاعت المركز وطلب منى افتحها ولما جيت افتحها راح قال خلاص هنفحصها هناك
قولتله انا عايزاها قالى هترجعلك مع ابوكى
وطلب موبايلى ووريته عدتىى القديمة كنت حاطه فيها الخط راح قفل الموبايل واخده
وهو نازل قولتله عايزة موبايلى راح اداهولى
وخلو بابا يحضر شنطته
وقالى قدام بابا احمدى ربنا اننا سيبناكى المرة دى
فسألته انتو واخدينه بتهمة ايه ؟
راح قالى هو عارف
راح بابا رد عليه وقاله والله العظيم ما اعرف بس انا هروح معاك عشان دة شغلك
ولما نزلو الشارع كان بيتفرج فاتحسبنت فيهم قدام كل الناس عشان ميفتكروش نفسهم على حق
ومشيو الساعه 3
متابع ومراسل #محمد_الخطيب
الرئيسية 
